E.Dosaev «Qazaqstannyń ınvestıtsııalyq qory» dırektorlar keńesine tóraǵa bolyp saılandy

ASTANA. QazAqparat - Búgin Astanada «Báıterek» UBH» AQ basshysy Erbolat Dosaevtyń tóraǵalyǵymen Holdıngtiń enshiles uıymy «Qazaqstannyń ınvestıtsııalyq qory» AQ Dırektorlar keńesiniń otyrysy ótti, dep habarlady «Báıterek» ulttyq basqarýshy holdıngi» AQ baspasóz qyzmetinen.

«Otyrystyń kún tártibinde birqatar máseleler qaraldy. Onda «Qazaqstannyń ınvestıtsııalyq qory» AQ Dırektorlar keńesiniń tóraǵasy bolyp, «Báıterek» Holdınginiń Basqarma Tóraǵasy Erbolat Dosaev saılandy. Sonymen qatar, Dırektorlar keńesiniń Komıtetteriniń quramy saılandy», delingen habarlamada.

Sonymen qatar, Dırektorlar keńesinde 2015 jylǵa Damý josparynyń oryndalýy týraly esep qarastyrylyp, «Qazaqstannyń ınvestıtsııalyq qory» AQ-nyń 2014-2018 jyldarǵa arnalǵan túzetýler engizilgen Damý jospary bekitildi.