E.Dosaev Qazaqstandaǵy ındýstrıaldyq reforma nátıjeleri jaıynda aıtyp berdi
«Ekonomıkalyq yntymastyq jáne damý uıymy standarttaryna sáıkes keletin ınvestıtsııalyq ahýaldy qalyptastyrý úshin 2016 jylǵy 1 qańtardan bastap, ınvestorlarǵa 350-den astam memlekettik qyzmet kórsetýge arnalǵan «bir tereze» iske qosyldy. Investorlardy tartý máseleleri jónindegi úkimettik keńes quryldy. Osyǵan uqsas keńester ákimderdiń basshylyǵymen barlyq óńirlerde qurylyp, HQKO-larda Investorlarǵa qyzmet kórsetý sektorlary ashyldy», - dedi mınıstr.
Sonymen qatar, onyń atap ótýinshe, ótken jyly «zákirlik ınvestorlar» men transulttyq kompanııalardyń (Tikkurila, General Electric, Halliburton, JAC) qatysýymen jalpy somasy 130 mln. AQSh dollaryna 4 jańa óndiris iske qosylyp, jalpy somasy 113 mln. AQSh dollaryna 6 kompanııa (Danone, LG Electronics, Galaksi Group, BTM Group, Lotte Group, Coca-Cola) keri ınvestıtsııalandy.
«Farmatsevtıkada, agroónerkásiptik keshende, taý-ken-metallýrgııa kesheninde, hımııa ónerkásibi men qurylys materıaldary óndirisinde «zákirlik ınvestorlar» men TUK qatysýymen 2,2 mlrd. AQSh dollaryna 16 jobany tartý men iske asyrý boıynsha jumystar júrgizildi», - dedi E.Dosaev.
