E.Dosaev Eýrazııalyq tabıǵı resýrstar korporatsııasyndaǵy memleket úlesiniń artýyn joqqa shyǵarmaıdy

Bul pikirdi ol búgin Qazaqstan Ortalyq kommýnıkatsııalar qyzmetiniń brıfınginde bildirdi.

«Biz atalǵan kompanııadaǵy mınımaldy paketti saqtap qalamyz dep sanaımyz. Eger múmkinshilik bolsa arttyramyz da. Degenmen, sońǵy sheshim ENRC-diń jeke aktsıonerleri jasaǵan usynystar qýattalǵannan keıin ǵana qabyldanatyn bolady», - dedi ol.

Onyń sózine qaraǵanda, memleket atalǵan korporatsııany eldiń eń mańyzdy taý-ken óndirýshi aktıvi retinde qarastyrady. «Biz áli kelisimge kelgen joqpyz. Biz sonyń jolyndamyz. Aldyn ala Úkimetke túsken usynys bar. Sońǵy qurylym usynylǵannan keıin Úkimet bul máselege qatysty resmı málimdeme jasaıtyn bolady. ENRC kompanııasyndaǵy Úkimettiń úlesin arttyrýǵa nıet bar», - dedi E.Dosaev.