E.Dosaev: 2014 jyly ınflıatsııa 7,4 paıyzdy qurady

ASTANA. QazAqparat - 2014 jyly ınflıatsııa 7,4 paıyzdy qurady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq ekonomıka mınıstri Erbolat Dosaev málim etti.

«2014 jyly Qazaqstan ekonomıkasy álemdik naryqtardaǵy aıtarlyqtaı ózgerý jaǵdaıynda damydy. Máselen, ótken jyly munaı men temir rýdasynyń baǵasy eki ese tómendedi», - dedi E.Dosaev.

Mınıstr óz sózinde 2014 jyly el ekonomıkasy 4,3 paıyzǵa ósip, óndiristik ósim 0,3 paıyz, al aýyl sharýashylyǵynda 1,8 paıyz quraǵanyn eske saldy.

«Negizgi kapıtalǵa ınvestıtsııalar 3,9 paıyzǵa ósti. Jumyssyzdyq deńgeıi bes paıyz deńgeıinde qaldy. Inflıatsııa 7,4 paıyzdy qurady», - dedi ol.

Onyń atap ótýinshe, ortasha aılyq eńbekaqy 120 myń 500 teńgeni qurap, naqty mánde 3,9 paıyzǵa ósken.