E.Baıǵazınniń kınojobasy Rotterdamdaǵy halqaralyq kınonaryqqa qatysatyn boldy

Mádenı shara qańtar aıynyń sońynda ótedi. Bıyl kınoındýstrııa sańlaqtarynyń nazaryna Gollandııa, Ulybrıtanııa, Avstralııa, Qytaı, Brazılııa, Frantsııa, AQSh elderiniń 25 jobasy usynylatyn bolatyn.

Rotterdam festıvali Emır Baıǵazınniń bul kartınasynyń bastapqy óndirisine Hubert Bals grantyn usynǵan bolatyn.

Qazaqstandyq rejısserden basqa Berlınale festıvalinde «Kúmis aıý» alǵan Radý Jýde, Kann festıvalinde Art Cinema Award júldesin jeńip alǵan Chıro Gýerra óz týyndylaryn kórsetedi.

«Qalanyń ústimen» kınojobasynyń sıýjeti - Almaty dámhanalarynyń birinde tanysqan eki jas týraly bolmaq.

«CineMart bıylǵy fınalyna alynǵan jobalardyń birinen biri ótedi. Biregeı kartınalarda rejısserdiń sarqylmas múmkindigi anyq kóringendeı», - dedi kınonaryq dırektory Marıt van den Elshoýt.

Kınonaryq aıasynda jetekshi eýropalyq kınoqorlardan 3 negizgi júlde taǵaıyndalatyn bolady.

Aıta ketý kerek, qazaq rejısseri Emır Baıǵazınniń aty Berlınalede ótken kınofestıvalde álemge tanyla bastady. Onyń «Úndestik sabaqtary» Berlınalede ótken kınofestıvalde «Kúmis aıý» júldesin ıemdendi. Al Morgenpost basylymynyń oqyrmandary eń úzdik kartına dep baǵalady.