Eń aqyldy zııatkerlik oıynynyń jeńimpazy anyqtaldy

ASTANA. QazAqparat - Jibek Joly telearnasyndaǵy «Eń aqyldy» zııatkerlik oıynynyń jeńimpazy anyqtaldy, dep habarlaıdy QazAqparat.

On eki irikteý kezeńinen, tórt shırek fınal men eki jartylaı fınaldan alǵa shyqqan alty úzdik oıynshy keremet oıyn kórsetti.

Zııatkerlik oıyn talantty jáne bilimdi mektep oqýshylaryna arnalǵan. Oqýshylar úlken maqsatty murat tutyp, baq synasýǵa emes, oıyn alańynda bilimi men babyn synaıdy. Olar «Eń aqyldy» degen atqa laıyq ekenderin dáleldedi.

Bas júlde – elimizdiń eń úzdik joǵary oqý oryndarynyń bilim granty.

Saıys 4 kezeńnen turdy. Birinshisi: «Sergitý», odan keıin «Blıts», «Suraq-jaýap» jáne «Múmkindik».

«Eń aqyldy» zııatkerlik oıynynyń jeńimpazy Janasyl Erlanǵa Qanysh Sátbaev atyndaǵy Qazaq ulttyq tehnıkalyq ýnıversıtetine oqýǵa grant berildi.