«E-advokatýra» júıesi jasalýy múmkin - Ádilet mınıstrligi

ASTANA. QazAqparat - Qazaqstanda «E-advokatýrany» jasaý josparlanyp otyr. Bul týraly Májiliste «Advokattyq qyzmet jáne zań kómegi týraly» zań jobasyn tanystyrý barysynda QR Ádilet mınıstriniń orynbasary Janat Eshmaǵambetov málim etti, dep habarlaıdy QazAqparat.

«Advokatýra qyzmetin ońtaılandyrý men zańgerlik kómekti der kezinde jasaý maqsatynda advokatýra qyzmetine aqparattyq  tehnologııalardy engizý usynylýda. Onda «E-advokatýra» atty biryńǵaı aqparattyq júıeni engizý eskerilgen. Onyń múmkindikteri statıstıkalyq esepterdi, kepildi memlekettik zań kómegi boıynsha advokattar tizimin qalyptastyrý kezinde, sondaı-aq onlaın-kezekshilikti uıymdastyrý barysynda paıdalanylmaq», - dedi mınıstrdiń orynbasary.

Budan bólek ol taǵy bir jańashyldyq advokattyq orderdi qysqartýǵa qatysty ekenin atap ótti. Qoldanystaǵy zańnama advokattyń orderdi naqty isti júrgizýde qorǵaýshynyń ókilettigin rastaıtyn qujat retinde moıyndaıdy. Tájirıbe júzinde bul qujattyń tıimsizdigi men eskirgeni baıqalyp otyr.

Budan buryn habarlanǵandaı, Janat Eshmaǵambetov Qazaqstanda zańgerlik kómek úshin tólemniń tarıftik kestesi ázirlenýi múmkin ekenin aıtty.