Dzıýdoshylarymyz eki kún qatarynan júldege ilige almady
ASTANA. QazAqparat - Dıýsseldorfta ótip jatqan Gran Prı týrnıriniń ekinshi kúninde de qazaqstandyq dzıýdoshylar júldege iline almady, dep habarlaıdy QazAqparat tilshisi.
Jarystyń ekinshi kúni dzıýdoshylar -73 kg, - 81 kg, -63 kg, -70 kg salmaq dárejesinde beldesti.
73 kelide tatamıge shyqqan Jansaı Smaǵulov alǵashqy aınalymda rýmynııalyq Sersıa Marseldi utqanymen, ekinshi aınalymda grýzın dzıýdoshysy Lasha Shavdatýashvılıge ese jiberip, jarystan shyǵyp qaldy.
81 kelide synǵa túsken Qajymuqan Óteýlıev pen Ázız Qalqamanulynyń da búgin joly bolmady. Óteýlıev alǵashqy kezdesýinde-aq mońǵolııalyq Baıanmýnh Gaajadambaǵa vazarı upaıymen jeńilse, Qalqamanuly golden skorda úshinshi shıdosyn alyp, ekeýara kezdesý AQSh sportshysy Hatton Djektiń paıdasyna sheshildi.
Áıelder arasyndaǵy synda 63 kelide Marıan Ýrdabaeva jarysty sátti bastaǵan edi. Birinshi beldesýinde shvetsııalyq Erıksson Idany ıpponmen jeńip, ekinshi aınalymda ókinishke qaraı, japon qyzy Nabekýra Namıge tótep bere almady.
70 kelide Janar Qashqyn men Dilbar Ómirálıeva da birinshi beldesýden ary aspady. Qashqyn shvetsııalyq Bernholm Annaǵa, Ómirálıeva nemis qyzy Býtkereıt Mırıamǵa ıpponmen jeńildi.
Búgin álemdik Gran Prı týrnıriniń úshinshi kúninde dzıýdoshylar 5 salmaq boıynsha beldesetin bolady. Olar: Dáýlethan Jaqypov (90 kg), Aıbek Serikbaev (-100 kg), Elaman Erǵalıev (+100 kg), Erjan Shynkeev (+100 kg), Albına Amangeldıeva (-78 kg) jáne Gúljan Isanova (+78 kg).
Esterińizge sala ketsek, Gran Prı týrnıri aqpannyń 24-inen 26-syna deıin jalǵasady. Atalmysh dodaǵa 50 elden 346 dzıýdoshy qatysyp jatyr.
