Dzıýdoshylar álemdik reıtıngte joǵarylady
ASTANA. QazAqparat - 11 naýryz kúni halyqaralyq dzıýdo federatsııasy (IJF) Gran Prı jarysynan keıin dzıýdoshylar reıtıngin jańartty, dep habarlaıdy QazAqparat.
Qazaqstan dzıýdo federtsııasynyń baspasóz qyzmetinen habarlaǵandaı, álemdik Gran Prı jarysynda júldeger atanǵan qazaqstandyq dzıýdoshylar jańartylǵan IJF reıtınginde joǵary kóterildi. Halyqaralyq dzıýdo federatsııasynyń erejesine sáıkes Gran Prı jeńimpazyna álem reıtıngine 700 upaı, kúmis júldegerge 490 upaı, al qola júldegerge 350 upaıdan qosylady.
Jarystyń kúmis júldegeri atanǵan qazaqstandyq dzıýdoshy Erasyl Qajybev (+100 kg) 51 orynnan 27-orynǵa, qola júldeger atanǵan Erlan Serikjanov (-66 kg) 11-orynnan 8-orynǵa kóterildi.
Jańartylǵan reıtıng boıynsha qazaqstandyq dzıýdoshylar kelesideı ornalasqan (1-50):
60 kg
Eldos Smetov - 6 (4180)
Ǵusman Qyrǵyzbaev - 10 (3229)
66 kg
Erlan Serikjanov - 8 (3490)
Eldos Jumaqanov - 12 (3090)
73 kg
Jansaı Smaǵulov - 12 (3024)
81 kg
Dıdar Hamza - 15 (2653)
90 kg
Islam Bozbaev - 10 (3392)
+100 kg
Erasyl Qajybaev - 27 (1392)
Aıta ketsek, Marokkonyń Marekkesh qalasynda 8-10 naýryz kúnderi dzıýdodan ótken álemdik Gran Prı kezeńi ótti.
Qazaqstan quramasy 1 kúmis, 1 qola júldemen jalpy komandalyq medal kestesinde 15-orynǵa turaqtady. Jarysqa álemniń 67 elinen 443 tatamı sheberi qatysty.
