Dzıýdoshy Kámıla Berliqash Grand Slam týrnıriniń qola júldegeri atandy
ASTANA. QazAqparat – Qazaqstandyq Kámıla Berliqash dzıýdodan Bakýde ótken Grand Slam týrnıriniń qola júldegeri atandy, dep habarlaıdy QazAqparat tilshisi.
Qazaqstan dzıýdo federatsııasynyń baspasóz qyzmetinen málim etkenindeı, K.Berliqash 78 keliden joǵary salmaqta úzdik úshtikke ilikti.
Jarysty shırek fınaldan bastaǵan 22 jastaǵy Kámıoa áýeli túrik dzıýdoshysy Sebıle Akbýlýtty qosymsha ýaqytta vazarımen tize búktirdi. Jartylaı fınalda serbııalyq Mılısha Sabıshke jol berdi. Degenmen qola júlde úshin beldesýde horvatııalyq Tına Radıchten aılasyn asyrdy.
Kámıla Berliqash bıyl osymen Grand Slam jarysynda ekinshi ret júldeger atanyp otyr. Maýsym aıynda Ýlanbator Grand Slam dodasynda qola medal utyp alǵan edi.
Sonymen qatar bıyl Ábıba Ábýjaqynova da Grand Slam týrnırinde eki medal alǵan bolatyn. Oǵan qosa Ábıbanyń álem chempıonatynda qola júldeger atanǵany belgili.
Eske sala keteıik, budan buryn Ábıba Ábýjaqynovanyń qazaq qyzdary arasynan alǵash ret dzıýdodan álem chempıonatynyń júldegeri atanǵanyn jazǵan bolatynbyz.
