Dzıýdoshy Erlan Serikjanov Týnıste qola júlde aldy
ASTANA. QazAqparat - Týnıste dzıýdodan eresekter arasynda ótken álemdik Gran-prıde úshinshi oryndy ıelendi, dep habarlaıdy «QazAqparat» HAA ShQO deneshynyqtyrý jáne sport basqarmasyna silteme jasap.
Shyǵys Qazaqstan oblysynyń eki sportshysy Qazaqstan quramasyna qabyldanyp, Týnıstegi álemdik Gran-prıde el namysyn qorǵaýǵa attandy. Birinshi kúnniń ózinde Úrjar aýdanynan shyqqan dzıýdoshy Erlan Serikjanov irikteý kezeńinde amerıkalyq Alaa ál-Idrısıdi, keıin Ispanııa ókili Alberto Gaıterony, shırek fınalda chehııalyq Pavel Petrıkovty jeńip, qola medal úshin kúreste Reseıden barǵan Isa Isaevtan basym tústi. Erlannyń bul jeńisine 350 upaı berildi.
Aıta ketelik, bul týrnırde sportshylar reıtıng úshin kúsh synasyp jatyr. Júldeli oryndar úshin olarǵa ball beriledi. Birinshi orynǵa - 700, ekinshi orynǵa - 490, úshinshi orynǵa - 350 upaı tigilgen.
Ekinshi sportshy Jasulan Muhamethanov birinshi kezdesýde japonııalyq Ioshıkı Kıradan jeńilip qaldy.
