Dzıýdoshy Abylaıhan Jubanazar Mońǵolııada Grand Slam týrnıriniń qola júldegeri atandy
ASTANA. QazAqparat - Qazaqstandyq Abylaıhan Jubanazar Mońǵolııa astanasy Ulan-Batyrda dzıýdodan ótip jatqan Grand Slam týrnıriniń qola júldegeri atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen túsken málimetke qaraǵanda, Abylaıhan 81 kelige deıingi salmaqta júldege ilikti.
Qazaqstandyq dzıýdoshy aldymen germanııalyq Domınık Resseldi ıpponmen utty.
Ekinshi aınalymda mońǵolııalyq Býıantsagaan Erdenebatty tize búktirdi.
A.Jubanazar shırek fınalda japonııalyq Kenııa Oharaǵa ese jiberdi. Degenmen jubanysh beldesýinde bahreındik Askerbı Gerbekovti jeńdi. Qola júlde úshin básekede taǵy bir mońǵolııalyq Mold-Ochır Gereltýıany qapy qaldyrdy.
Bul - Abylaıhannyń Grand Slam dodalaryndaǵy ekinshi medali. Ol bıyl Grýzııa astanasy Tbılısıde kúmis júldege ıe bolǵan edi. Al ótken jyly Mońǵolııadaǵy osy jarysta besinshi orynnan kórindi.
Keshe jarystyń birinshi kúni Nurqanat Serikbaev (-60 kg) pen Ǵalııa Tynbaeva (-48 kg) qola júldege qol sozym jerden toqtap, 5-orynǵa turaqtaǵan edi.
Eske sala keteıik, budan buryn Mońǵolııadaǵy Grand Slam jarysyna qatysatyn Qazaqstan quramasy anyqtalǵanyn jazǵan bolatynbyz.
