Dzıýdoshy Nurqanat Serikbaev Grand Slam jarysynyń jeńimpazy atandy

ASTANA. KAZINFORM – Qazaqstandyq dzıýdoshy Nurqanat Serikbaev dzıýdodan Tblısıde ótip jatqan álemdik Grand Slam jarysynda jeńis tuǵyryna kóterildi. Fınalda ol Izraıl sportshysy ıAm Ýoltsakty jeńdi. 

60 kelige deıingi salmaqta beldesken Nurqanat Serikbaev jarys barysynda barlyǵy bes kezdesý ótkizip, beseýin de jeńispen aıaqtady. Іrikteý kezeńinde ol Djohan Rojas (Kolýmbııa), Iehonatan Veksler (Izraıl) jáne Dılshot Halmatovtan (Ýkraına) basym tústi. Al jartylaı fınalda Grand Slam jarysynyń úsh dúrkin jeńimpazy Balabaı Agaevty utqan bolatyn.

Aıta keterligi, bul otandasymyzdyń Grand Slam jarysyndaǵy alǵashqy altyny. Búgingi nátıjesi Nurqanat Serikbaevqa álemdik reıtıngte qosymsha 1000 upaı enshileýine múmkindik beredi.

Tblısıde ótip jatqan álemdik Grand Slam jarysy naýryzdyń 24-ine deıin jalǵasady. Jarysqa 83 elden 531 tatamı sheberi qatysyp jatyr.