Dzıýdoshy Kámıla Berliqash Ábý-Dabıde Grand Slam týrnıriniń fınalyna shyqty

Qazaqstandyq dzıýdoshy Kámıla Berliqash Ábý-Dabıde (BAÁ) ótip jatqan Grand Slam týrnıriniń fınalyna shyqty, dep habarlaıdy Kazinform.

Qazaqstan dzıýdo federatsııasynyń baspasóz qyzmetinen málim etkenindeı, Kámıla Berliqash 78 keliden astam salmaqta jartylaı fınalda ıtalııalyq Erıka Sımonettımen tatamıge shyqty.

Italııalyq dzıýdoshy úsh eskertý alǵandyqtan, jeńis qazaqstandyq sportshyǵa berildi.

K.Berliqash altyn júlde úshin portýgalııalyq Nýnes Rochelemen talasady.

Fınaldyq básekeler Astana ýaqytymen saǵat 19.00-de bastalady.

Eske sala keteıik, budan buryn Ábý-Dabıde ótetin Grand Slam týrnırine Qazaqstannyń tolyq quramda qatysatynyn jazǵan bolatynbyz.