Dzıýdoshy Dana Ábdirova Azııa chempıonatynyń shırek fınalyna ótti
ASTANA. KAZINFORM — Qytaıdyń Ordos qalasynda dzıýdodan Azııa chempıonatynyń ekinshi jarys kúni ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Búgin ulttyq qurama sapynan tatamıge alǵash bolyp jasóspirimder arasyndaǵy álem chempıonatynyń kúmis júldegeri Dana Ábdirova men Bangkokta ótken Azııa chempıonatynyń qola júldegeri Baqyt Qusaqbaeva shyqty. Olar 57 kelige deıingi salmaq dárejesinde óner kórsetip jatyr.
Shırek fınalǵa joldama úshin ótken beldesýde Dana Qyrǵyzstan ókili Begaı Beıshenaly qyzyn jeńdi. Al Baqyt Japonııa sportshysy Mına Komııamege ese jiberdi.
Kelesi bolyp Qazaqstan quramasynan 73 kelige deıingi salmaqta Eset Qýanov Qytaı sportshysy Lın Gaohýeımen beldesedi.
Osydan buryn Qazaqstan dzıýdodan Azııa chempıonatynyń alǵashqy kúninde júldesiz qalǵanyn jazǵanbyz.
