Dzıýdoshy Aısha Altaı jasóspirimder Azıadasynda chempıon atandy

ASTANA. KAZINFORM – Dzıýdodan Qazaqstan qyzdar quramasynyń ókili Aısha Altaı Bahreınniń Manama qalasynda ótip jatqan jasóspirimder Azıadasynda altyn júldeger atandy.

Ol 70 kelige deıingi salmaqta jeńis tuǵyrynyń eń bıik satysyna kóterildi. QR UOK málimetinshe, Aısha aqtyq synda ózbekstandyq Shohısta Týraevamen beldesti.

Nátıjesinde otandasymyz qarsylasynan basym túsip, altynnan alqa taqty.

Sonymen qatar dzıýdoshy Azıma Serik Manamadaǵy jasóspirimder Azıadasynda qola júldeger atandy. Otandasymyz 63 kelige deıingi salmaqta jeńis tuǵyrynyń úshinshi satysyna kóterildi.

Sondaı-aq Shyńǵyshan Táńirbergen dzıýdodan Manamada (Bahreın) ótip jatqan jasóspirimder arasyndaǵy Azııa oıyndarynda ekinshi oryn aldy. Jerlesimiz 90 kelige deıingi salmaqta el namysyn qorǵady.

Munymen qosa, dzıýdodan Qazaqstan quramasynyń ókili Toǵjan Tólebaı Bahreınniń Manama qalasynda ótip jatqan jasóspirimder arasyndaǵy Azııa oıyndarynda júldegerler qatarynan kórindi. Sportshy 70 keliden joǵary salmaq dárejesinde sátti óner kórsetti. Qola júlde úshin ótken beldesýde qazaqstandyq dzıýdoshy taılandtyq Pııathıda Songchaıdy jeńdi.

Sońǵy bolyp Qazaqstan quramasynyń ókili Ádiljan Jaýdınov (90 keliden joǵary) fınalda óner kórsetti. Altyn júlde úshin ótken beldesýde qazaqstandyq sportshy ózbekstandyq Alıbek Dýrdıevke ese jiberdi. Osylaısha, jasóspirimder Azıadasynyń kúmis júldegeri atandy.

Eske salsaq, 2025 jylǵy jasóspirimder arasyndaǵy Azııa oıyndarynda qazaqstandyq dzıýdoshylar Aslan Erǵalıev pen Іnjý Sahabadın júldeli orynnan kórindi.