Dzıýdoshy Arýna Jangeldına Qytaıdaǵy Azııa chempıonatynda qola medalǵa ıe boldy
ASTANA. KAZINFORM – Qazaqstan quramasynyń dzıýdoshysy Arýna Jangeldına Qytaıdyń Ordos qalasynda ótip jatqan Azııa chempıonatynda úshinshi oryn úshin ótken beldesýde jeńiske jetti.
78 kelige deıingi salmaqta óner kórsetetin qazaqstandyq sportshy qola júlde úshin Taıbeı ókili Van Tszesımen beldesti.
Negizgi ýaqyt upaısyz aıaqtaldy. Keıin qarsylasy úshinshi eskertý alyp, sonyń nátıjesinde Jangeldına jeńimpaz atandy.
Osylaısha, Arýna Jangeldına Qazaqstan quramasyna Azııa chempıonatyndaǵy besinshi medaldi syılady.
Buǵan deıin Ádilet Almat (81 kelige deıin) altyn medal jeńip alǵan. Al Esmıgúl Kýıýlova (63 kelige deıin), Abylaıhan Jubanazar (81 kelige deıin) jáne Aıdar Arapov (90 kelige deıin) qola júldeger atanǵan.
