Dzıýdoshy Ádilet Almat Aýstrııada Gran-prı týrnıriniń jeńimpazy atandy
ASTANA. KAZINFORM — Qazaqstandyq dzıýdoshy, 21 jastaǵy Ádilet Almat Aýstrııanyń Lınts qalasynda ótip jatqan Gran-prı týrnırinde úzdik shyqty. Ádilet 81 kelige deıingi salmaqta fınalda ázerbaıjandyq Galandarzade Výsalmen beldesti.
Výsal da 21 jasta. Osyǵan deıin qarsylastar ózara eki ret kezdesken. Esep — 1:1.
Bul joly aldymen Výsal ıýko ádisimen alǵa ketti. Degenmen Ádilet G. Výsaldy áýeli vazarıge túsirip, sosyn ustaý ádisimen taza jeńdi.
Osylaısha, Ádilet Almat sporttyq jolyndaǵy eń úlken tabysyna qol jetkizdi. Ol fınalǵa deıin irikteýde Moldova, Brazılııa, Estonııa dzıýdoshylarynan aılasyn asyrdy. Shırek fınalda taǵy bir ázerbaıjandyq Omar Rajablıdi qapy qaldyrdy. Al jartylaı fınalda Grýıchıch Vasılıeni tize búktirdi.
Sóıtip qazirgi kezde Qazaqstan qorjynynda eki medal bar. Jarystyń alǵashqy kúni 60 kelige deıingi salmaqta kúresken Sherzod Davlatov qola júldege qola jetkizgen bolatyn.
Eske sala keteıik, budan buryn Sherzod Davlatovtyń Aýstrııadaǵy Gran-prıdiń qola júldegeri atanǵanyn jazǵan edik.