Dzıýdoshy Ádilet Almat alǵash ret jazǵy Azıadanyń kúmis júldegeri atandy
ASTANA. KAZINFORM – Japonııanyń Aıchı halyqaralyq arenasynda ótip jatqan dzıýdodan HH jazǵy Azııa oıyndarynda Qazaqstan qorjyny kezekti júldemen tolyqty, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erler arasyndaǵy -81 kg salmaqtyń fınalynda otandasymyz, bıylǵy Azııa chempıony Ádilet Almat pen jarys qojaıyny Sotaro Fýdjıvara kúsh synasty. Bas júlde jolyndaǵy tartysty beldesýde álem chempıonatynyń kúmis júldegeri japon palýany basym tústi. Osylaısha, 22 jastaǵy Ádilet Qazaqstan qorjynyna kúmis medal saldy.
Aıta keteıik, bul otandasymyz qatysyp jatqan alǵashqy Azıada. Búgin Ádilet 1/8 aınalymda Tegın Almazjan ýýlyn (Qyrǵyzstan), shırek fınalda Shınbaıar Oıınchımegti (Mońǵolııa) jyqty. Al jartylaı fınalda Abýbákir Sherovtan (Tájikstan) myqty ekenin dáleldedi.
Bul Aıchı-Nagoıadaǵy oıyndarda dzıýdodan Qazaqstan qorjynyna túsken 4-medal.
Osyǵan deıin Esmıgýl Kýıýlova ekinshi ret dzıýdodan Azıadanyń qola júldesin alǵan bolatyn.
