Dzıýdonyń álemdik sheberler týrnırynan Qazaqstan bir altyn, bir qola oljalady
ASTANA. 15 qańtar. QazAqparat - Búgin Almatydaǵy Balýan Sholaq sport kesheninde dzıýdodan álemdik sheberler týrnıry aıaqtaldy. Júlde qory 200 myń AQSh dollaryn quraǵan bul týrnırde Jer sharynyń 42 eliniń 130 balýany baǵyn synady.
Eki kún boıy álem kóz tikken aıtýly doda barysynda qazaqstandyq dzıýdoshylar da oljaly boldy. El sportshylary qorjynǵa bir altyn, bir qola júldeni salǵan bolatyn. Atap aıtqanda, Maksım Rakov altyn, al qolany 2009 jylǵy Azııa chempıony Gúljan Issanova ıelendi.
Maksım fınalǵa deıin Battýlga Temýlen (Mońǵolııa), grýzın Levan Jorjalıanı, japon Anaı Takaması syndy sportshylardan aılasyn asyrǵan bolatyn. Al sheshýshi kezeńde gollandııalyq Genk Kroldan basym tústi.
