Dzıýdodan jastar arasyndaǵy álem chempıonatyna kimder barady

ASTANA. KAZINFORM – Tájikstan astanasy Dýshanbe qalasynda 2-6 qazan kúnderi ótetin dzıýdodan jastar arasynda álem chempıonatyna qatysatyn qazaqstandyq balýandar belgili boldy.

Dúnıejúzilik dodaǵa álemniń 68 elinen 541 jas balýan keledi dep josparlanyp otyr. Bul synda elimizdiń atynan 19 dzıýdoshy qatysady. Olardyń qatarynda uldarda Talǵat Orynbasar men Aldııar Qarǵulov (60 keli), Aqyljan Jubatqanov pen Maǵjan Áljanov (66 keli), Ádilet Almat (73 keli), Azat Kúmisbaı men Dosbol Balǵabaı (81 keli), Asqar Birjanov (90 keli) pen Jantilek Nurtilepuly (100 keliden joǵary) bar. Al, Sherhan Alpanov aralas-komandalyq jarysta kúresedi.

Sondaı-aq qyzdarda Sabına ıÝldashbekova, Tasnım Ábdýalı (48 keli), Aıaýlym Qaırat pen Arýjan Erejepova (52 keli), Dana Abdırova (57 keli), Kórkem Orymbek (63 keli), Ajar Asqat pen Dıana Telbaeva (70 keli) men Rýslana Mahatova (78 keli) tatamı tórinde taıtalasqa túsedi.

Eske salsaq, budan buryn Maǵjan Shamshadın bastaǵan sportshylar Ábý-Dabıdegi Grand Slam týrnırine qatysatynyn habarlaǵan bolatynbyz.