Dzıýdodan jastar arasynda Qazaqstan birinshiligi máresine jetti
ASTANA. KAZINFORM — Dzıýdodan jastar arasynda Qazaqstan birinshiliginde aralas komandalyq jarystyń jeńimpazy belgili boldy.
Bul básekede Jambyl oblysynyń balýandary jeńimpaz atandy.
Ekinshi orynǵa Almaty qalasynyń quramasy jaıǵassa, úzdik úshtikti Jetisý jáne Abaı oblystary túıindedi.
Aıta ketsek, 11-14 jeltoqsan kúnderi Mańǵystaý oblysynyń Jańaózen qalasynda dzıýdodan 2006-2008 jyldary týǵan jas sportshylar arasynda el birinshiligi ótti. Oǵan Astana, Almaty, Shymkent qalalarynan, sondaı-aq elimizdiń 17 oblysynan kelgen 551 dzıýdoshy qatysty.
Chempıonat qorytyndysy boıynsha 2026 jylǵy sporttyq maýsymda el namysyn qorǵaıtyn Qazaqstan jastar quramasy jasaqtalady jáne olar halyqaralyq jarystarda baq synaıdy.
Іrikteý kezeńi bolashaǵynan úmit kúttiretin jas talanttardy anyqtaýǵa múmkindik beredi.