Dzıýdodan úsh sportshymyz gran-prı týrnıriniń jartylaı fınalyna shyqty
ASTANA. KAZINFORM – Dzıýdodan Horvatııanyń Zagreb qalasynda ótip jatqan gran-prı týrnırinde úsh qazaqstandyq sportshy jartylaı fınalǵa shyqty.
Atap aıtsaq, erler arasynda 60 keli salmaqta synǵa túsip jatqan Sherzod Davlatov jartylaı fınalǵa ótti. Ol týrnır barysynda Izraıl, Vengrııa jáne Ýkraına sportshylarynan basym tústi. Endi Davlatovtyń jartylaı fınaldaǵy qarsylasy — frantsııalyq Entso Djın bolmaq.
Erler arasynda 66 keli salmaqta beldesetin Janarys Rahmetqalı da jartylaı fınalda synǵa túsedi. Ol alǵashqy beldesýlerinde Horvatııa men Salvador balýandaryn jeńdi. Onyń endigi qarsylasy — grýzııalyq Tengo Zırakashvılı.
Sonymen qatar áıelder arasynda 48 kelide el namysyn qorǵap jatqan Ǵalııa Tynbaeva da jartylaı fınalǵa ótti. Qazaqstandyq sportshy jartylaı fınalda vengrııalyq Rıta-Rebekka Koşegımen beldesedi.
Esterińizge sala keteıik, osyǵan deın qazaqstandyq dzıýdoshylardyń qarsylastary anyqtalǵanyn jazǵan edik.
