Dzıýdodan Tashkentte ótip jatqan Azııa chempıonatynda el qorjynyna 1 altyn, 1 kúmis medal tústi
ALMATY. 28 sáýir. QazAqparat - Tashkentte dzıýdodan Azııa chempıonaty ótip jatyr.
26 sáýir kúni bastalǵan bul dúbirli doda erteń aıaqtalady. Onda Qazaqstan quramasynan qazirgi tańda 66 kelide chempıon atanǵan Sergeı Lım men 78 kelide kúmis júlde alǵan Gúljan Isanova Londondaǵy HHH Jazǵy Olımpıada oıyndaryna qatysýǵa múmkindik beretin upaı qoryn ıelendi. Al erler arasynda Erkebulan Qosaev (60 kg) besinshi, Rınat Ibragımov (73 kg) jetinshi, áıelder arasynda Zarına Áldikova (63 kg) men Ǵalııa Ulmentaeva (78 kg) besinshi, Marıam Ordabaeva (70 kg) jetinshi oryn aldy. Bas bapker Ashat Jitkeev endi Islam Bozbaevqa (81 kg), Tımýr Bolatqa (90 kg), Vıktor Demıanenkoǵa (100 kg) jáne Erjan Shynkeevke (+100) úmit artýda.
