Dzıýdodan ótken respýblıkalyq týrnırde qyzylordalyqtar jeńimpaz atandy
QYZYLORDA. QazAqparat - 24-26 naýryz aralyǵynda Syrdarııa aýdany N.Іlııasov aýylynda «Abzal ı K» júldesi úshin dzıýdodan jasóspirim uldar men qyzdar arasynda respýblıkalyq týrnır ótti, dep habarlady QazAqparat HAA tilshisi.
Oǵan Ózbekstan, Qyrǵyzstan jáne elimizdiń on bir oblysynan 36 komanda, 550 sportshy qatysty.
Jarystyń saltanatty ashylýynda QR dzıýdo federatsııasy prezıdentiniń mindetin atqarýshy Marat Myqtybekov pen Qazaqstannyń Eńbek Eri, QR Parlamenti Májilisiniń depýtaty Abzal Eralıev sóz sóılep, sportshylarǵa sáttilik tiledi.
Jarystyń alǵashqy kúninde komandalyq jarys ótkizilip, jeńimpazdar anyqtaldy. Nátıjesinde qyzdar arasynda birinshi oryndy Qyzylorda, ekinshi oryndy Aqtóbe oblystary ıelendi, al úshinshi oryn Taraz qalasynyń quramasyna buıyrdy.
Uldar arasynda Qyzylorda oblysynyń sportshylary jeńimpaz atandy. Kúmis júldeni - Taraz qalasy, qola júldeni - Almaty oblysynyń sportshylary enshiledi.
Jekeleı esep boıynsha týrnır jeńimpazdary:
32 keli: Elenora Anarbek (BQO)
34 keli: Dýlat Qurmantaı (OQO)
36 keli: Arýjan Baltabaı (OQO)
38 keli: Nurdáýlet Smedıev (Qyzylorda)
40 keli: Qundyz Jylqybaı (Qyzylorda)
42 keli: Nurqanat Serikbaev (Jambyl)
44 keli: Aıaýlym Qýanyshova (Jambyl)
46 keli: Azamat Tahır (Qyzylorda)
48 keli: Nargız Voısova (Qyzylorda)
50 keli: Erlan Sovethan (Almaty obl)
52 keli: Arýjan Adashan (Jambyl)
55 keli: Mahambet Rahmet (Atyraý)
57 keli: Marjan Qanalıeva (Mańǵystaý)
60 keli: Dáýlet Qaıratuly (Jambyl)
63 keli: Asyljan Orynbasarova (Jambyl)
+63 keli: Mınar Іlejan (Almaty obl.)
66 keli: Serikbol Estaı (ShQO)
+66 keli: Mýhamadkodır Mansýrov (Ózbekstan)
