Dzıýdodan ótken álem chempıonaty sportshylar men sport súıer qaýym úshin naǵyz merekege aınaldy - Kárim Másimov
ASTANA. QazAqparat - Búgin QR Premer-Mınıstri Kárim Másimov Astanada 24 tamyzda bastalǵan dzıýdodan álem chempıonatynyń jabylý saltanatyna qatysty, dep habarlady primeminister.kz.
Chempıonat qatysýshylary men qonaqtarynyń aldynda sóılegen sózinde Premer-Mınıstr Qazaqstanda ótken bul chempıonat barlyq sportshylar men sport súıer qaýym úshin naǵyz merekege aınalǵanyn aıtyp ótti.
Óz sózinde ol: «Memleket basshysy N.Á.Nazarbaevtyń jan-jaqty qoldaýynyń arqasynda biz tamasha kórinisten mol tájirıbe ala otyryp, árdaıym osyndaı aıtýly jarystardy ótkizýge daıynbyz», - dedi.
K.Másimov chempıonat qatysýshylaryna jańa jetistikter men jeńister, sondaı-aq, Rıo-de-Janeıroda ótetin Olımpıada oıyndarynda sátti oıyn kórsetýdi tiledi.
Jabylý saltanaty halyqaralyq dzıýdo federatsııasynyń týyn kelesi álem chempıonaty ótetin Majarstannyń ulttyq federatsııasyna tabystaýmen aıaqtaldy.
Astanada ótken dzıýdodan álem chempıonatyna álemniń 120 elinen kelgen 700-den astam sportshy qatysty.
