Dzıýdodan Qazaqstannyń áıelder quramasy karantınnen keıingi alǵashqy oqý-jattyǵý jıynyn bastaıdy
NUR-SULTAN. QazAqparat - Dzıýdodan Qazaqstan quramasy karantınnen keıingi alǵashqy oqý-jattyǵý jıynyn bastaıdy, dep habarldaıdy QazAqparat Qazaqstannyń dzıýdo federatsııasyna silteme jasap.
«Dzıýdodan Qazaqstan áıelder quramasy 26 mamyr kúni karantınnen keıingi alǵashqy oqý-jattyǵý jıynyn bastaıdy. Almaty oblysynda ótetin jıyn 12 maýsymǵa deıin sozylady. Odan keıin 26 maýsymnan 7 shildege deıin Almaty qalasynda ornalasqan dzıýdo akademııasynda jattyǵýdy jalǵastyrýdy josparlap otyrmyz», - dedi Dzıýdodan áıelder ulttyq quramasynyń bas bapkeri Erlan Alpysbaev.
Onyń aıtýynsha, barlyq jıynda sanıtarlyq talaptar qatań saqtalady. Sportshylardyń qaýipsizdigin eskere otyryp, alǵashqy oqý-jattyǵý jıynyna ulttyq quramadan 10 dzıýdoshy shaqyrylady.
