Dzıýdodan Qazaqstan jastar quramasy Azııa chempıornatyn sátti bastady
ASTANA. KAZINFORM — Dzıýdodan Qazaqstan jastar quramasy Azııa chempıonatynyń alǵashqy jarys kúninde bes medal aldy.
Otandastarymyz Indonezııa astanasy Djakarta qalasynda ótip jatqan qurlyqtyq dodany 1 altyn, 1 kúmis jáne 3 qola júldemen bastady. Jarystyń alǵashqy kúninde qyzdar 48, 52, 57, 63, uldar 60, 66 kelige deıingi salmaq dárejelerinde ózara myqtyny anyqtady.
Nátıjesinde Іńkár Quralbaı (48 keli) chempıon atansa, Qaırat Jeńisuly (60 keli) kúmis, Erasyl Erjanov (66 keli), Ernar Keńeshan (73 keli) men Sara Shýgaeva (52 keli) qola júldeger atandy.
Aıta keterligi, jastar arasyndaǵy Azııa chempıonatyna barlyǵy 20 elden 198 jas tatamı sheberi qatysyp jatyr.
Dzıýdodan Qazaqstan jasóspirimder quramasy Azııa chempıonatynda Qazaqstan quramasy jalpy sany 2 altyn, 4 kúmis jáne 8 qola júldemen jalpy medal kestesinde 3-shi orynǵa jaıǵasty.
El quramasynan Іnjý Jumajan (57 keli), Farhat Zeınolla (50 keli) chempıon atansa, Toǵjan Tólebaı (70 keliden joǵary), Beknur Amangeldi (55 keli), Tańjaryq Momyntaı (60 keli), Zamanbek Baqtyǵalı (66 keli) kúmis medal aldy.
Sondaı-aq Ábish Perdaly (50 keli), Aslan Erǵalıev (55 keli), Zere Talǵatqyzy (40 keli), Aıajan Rınatqyzy (48 keli) jáne Janaıym Maratbek (52 keli), Erasyl Bolatbek (81 keli), Uldana Qojanazarova (70 keli), Erdáýlet Jumabaı (90 keli) qola júldeger atandy.
