Dzıýdodan Qazaqstan jasóspirimder quramasy Eýropa kýbogynda úzdik shyqty

ASTANA. KAZINFORM – Túrkııanyń Antalııa qalasynda aıaqtalǵan dzıýdodan Eýropa kýbogynda Qazaqstan jasóspirimder quramasy tabysty óner kórsetti.

Qazaqstan dzıýdo federatsııasynyń baspasóz qyzmetinen málim etkenindeı, eki kúnge sozylǵan jarysta qazaqstandyqtar 6 altyn, 3 kúmis jáne 7 qola medal jeńip aldy.

Osylaısha, Qazaqstan quramasy jalpykomandalyq esepte birinshi orynǵa ıe boldy.

Atap aıtqanda, Bekarys Qudaıbergen (-50 kg), Baýbek Ahmet (-60 kg), Bekalı Erken (-73 kg), Ádiljan Jaýdınov (+90 kg), Fatıma Supyǵalıeva (-52 kg), Іnjý Jumajan (-57 kg) óz salmaq dárejeleri boıynsha chempıon atandy.

Sondaı-aq Rasýlhan Ǵabıt (-60 kg), Erkenaz Sembek (-57 kg), Toǵjan Tóleýbaı (+70 kg) kúmispen kúpteldi.

Al Ádiljan Nurbeken (-50 kg), Erik Úsenov (-66 kg), Nuraly Máýlethan (-73 kg), Shyńǵys Qonysbek (-90 kg), Erdáýlet Jumabaı (+90 kg), Adııa Jumahmet (-40 kg), Zere Talǵatqyzy (-48 kg) úzdik úshtikke ilikti.

Jasóspirimder dodasyna 21 elden 550 dzıýdoshy qatysyp, baq synady.

Eske sala keteıik, budan buryn dzıýdoshy Ádilet Almattyń Aýstrııada Gran-prı týrnıriniń jeńimpazy atanǵanyn jazǵan bolatynbyz.