Dzıýdodan Qazaqstan quramasy Grand Slam týrnırin sátsiz aıaqtady
QAZAN. QazAqparat - Reseıdiń Qazan qalasynda álemdik Grand Slam dodasy qazaqstandyq dzıýdoshylar úshin aıaqtaldy, dep habarlaıdy QazAqparat ulttyq olımpıada komıtetine silteme jasap.
Jarystyń sońǵy kúninde beldesken qazaqstandyq balýandar irikteý kezeńinde shırek fınalǵa jete almady.
90 kelide Islam Bozbaev germanııalyq Edaýard Trıppelge jol berdi.
Dál osy salmaqta synǵa túsken Aıdar Arapov ızraıldik Lı Kochmannan utyldy.
Al 100 keldide Bekarys Sádýaqas ekinshi beldesýinde reseılik Nııaz Bılıalovtan jeńildi.
Asa aýyr salmaqta synǵa túsken Erasyl Qajybaev Vledýts Sımoneskýge (Rýmynııa) ese jiberdi.
Osylaısha, dzıýdodan Qazaqstan quramasy Olımpıada aldyndaǵy sońǵy reıtıngtik Grand Slam dodasyn eki qola júldemen aıaqtady.
Jarystyń alǵashqy kúninde ony 60 kelide Dáýren Súıeýkenov pen 66 kelide Eset Qýanov jeńip alǵan bolatyn.
