Dzıýdodan Qazaqstan quramasy jasóspirimder Azıadasyn 14 medalmen aıaqtady

ASTANA. KAZINFORM — Qazaqstan jasóspirimder quramasy Manama qalasynda ótip jatqan (Bahreın) jasóspirimder arasyndaǵy Azııa oıyndarynda 4 altyn, 5 kúmis jáne 5 qola aldy. 

Qazaqstan dzıýdo federatsııasy baspasóz qyzmetinen málim etkendeı, osy sport túrinen básekeler eki kúnge sozyldy. 

Ulttyq quramadan Ádiljan Nurbeken (-50 kg), Bekálı Erken (-66 kg), Fatıma Supyǵalıeva (-52 kg) jáne Aısha Altaı (-70 kg) qarsylas shaq keltirmeı, jarys chempıony boldy. 

Aslan Erǵalıev (-55 kg), Alýa Baltabaı (-48 kg), Seıfil Dáýletkereı (-73 kg), Shyńǵyshan Táńirbergen (-90 kg) men Ádiljan Jaýdınov (+90 kg) kúmispen kúpteldi.

Al Adııa Janahmet (-40 kg), Іnjý Sahabadın (-44 kg) Іnjý Jumajan (-57 kg), Azıma Serik (-63 kg) jáne Toǵjan Tólebaı (+70 kg) Qazaqstan qorjynyn qola júldemen tolyqtyrdy. 

Azııa oıyndarynda dzıýdo boıynsha básekege barlyǵy 31 elden 182 jas tatamı sheberi qatysty. Jalpykomandalyq medal kestesinde Qazaqstan quramasy 2-orynǵa ıe boldy.

Eske sala keteıik, budan buryn dzıýdoshy Aısha Altaıdyń jasóspirimder Azıadasynda chempıon bolǵanyn jazǵanbyz.