Dzıýdodan Qazaqstan quramasy Azııa chempıonatynda komandalyq saıysta kúmis júldeger atandy
ASTANA. KAZINFORM - Qazaqstan quramasy dzıýdodan 2026 jylǵy Ordosta (QHR) ótip jatqan Azııa chempıonatynda aralas komandalyq jarysta kúmis medal jeńip aldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Fınalda otandastarymyz Mońǵolııa quramasyna jol berdi.
Jalpy komandalyq esep:
1-oryn – Mońǵolııa
2-oryn – Qazaqstan
3-oryn – Qyrǵyzstan, Koreıa
Azııa chempıonatynyń kúmis júldegerleri atanǵan Ulttyq qurama sapynda:
Dana Ábdirova (-57 kg), Ajar Ashat (-70 kg), Aıda Toıshybekova (+70 kg), Anýar Jumageldın (-73 kg), Aıdar Arapov (-90 kg), Ǵalymjan Qyryqbaı (+90 kg) óner kórsetti.
Buǵan deıin jekeleı saıystar qorytyndysy boıynsha Qazaqstan quramasy 5 medal jeńip alyp, úzdik ondyqqa engen edi. Komanda sapynda júlde alǵan sportshylar:
🥇 Ádilet Almat (-81 kg) – tórt jyldan keıingi altyn;
🥉 Esmıgúl Kýıýlova (-63 kg);
🥉 Arýna Jangeldına (-78 kg);
🥉 Abylaıhan Jubanazar (-81 kg);
🥉 Aıdar Arapov (-90 kg)
Osylaısha, dzıýdodan Azııa chempıonaty óz máresine jetti.
Osyǵan deıin Qazaqstan quramasynyń aqtyq saıysta Mońǵolııamen kúsh synasatyny týraly jazdyq.
