Dzıýdodan Qazaqstan quramasy Álem chempıonaty aldynda sońǵy jattyǵý ótkizdi
ASTANA. KAZINFORM — Dzıýdodan Qazaqstan ulttyq quramasy Majarstan astanasy Býdapeshtte ótetin Álem chempıonaty aldynda sońǵy jattyǵý jumystaryn ótkizdi.
Dzıýdodan álem chempıonaty 13-20 maýsym aralyǵynda ótedi. Qazaqstan sapynan eldiń úzdik 12 dzıýdoshysy baq synaıdy.
Dúbirli doda 13-20 maýsym aralyǵynda ótkiziledi. Onda 92 elden kelgen 566 sportshy 14 salmaqta júldege talasady.
Erler quramasynda Maǵjan Shamshadın, Sherzod Davlatov (60 keli), Ǵusman Qyrǵyzbaev (66 keli), Eset Qýanov (73 keli), Abylaıhan Jubanazar (81 keli), Meıirlan Maksım (90 keli), Nurlyhan Sharhan men Marat Baıkamýrov (100 keli), Erasyl Qajybaev (100 keliden joǵary) el namysyn qorǵaıdy.
Al áıelder quramasynan Ábıba Ábýjaqynova men Ǵalııa Tynbaeva (48 keli), Esmıgúl Kýıýlova (63 keli) tatamı tórinde synǵa túsedi. Sondaı-aq týrnır aıasynda komandalyq jarys uıymdastyrylady.
Eske salsaq, budan buryn Astanada ótken dzıýdodan Qazaqstan Barysy Grand Slam týrnırinde qazaqstandyq balýandar toǵyz medal enshiledi.
Halyqaralyq týrnırde el quramasynan Ǵusman Qyrǵyzbaev (66 keli), Erasyl Qajybaev (100 keliden joǵary), Talǵat Orynbasar (60 keli) ekinshi orynǵa taban tirese, Maǵjan Shamshadın (60 keli), Aman Baqytjan (60 keli), Abylaıhan Jubanazar (81 keli), Eset Qýanov (73 keli), Baqjan Baıtas (100 keli), Marat Baıqamurov (100 keli) qola júldeger atandy.