Dzıýdodan Qazaqstan kadetter quramasy Azııa chempıonatynyń alǵashqy kúni 7 medal ıelendi
ASTANA. QazAqparat - 13 shildede Qyrǵyzstannyń Bishkek qalasynda dzıýdodan kadetter arasynda Azııa chempıonaty bastaldy. Azııa qurlyǵynyń 14 elinen 155 sportshy qatysyp jatqan birinshilikte Qazaqstan quramasynan 19 jas dzıýdoshy el namysyn qorǵap jatyr, dep habarlaıdy QR Dzıýdo federatsııasynyń baspasóz qyzmeti.
Jarystyń birinshi kúninde 50 kelige deıingi salmaqta beldesken otandasymyz Sherhod Davlıatov qarsylas shaq keltirmeı, Azııa chempıony atandy.
Al 52 kelide fınalǵa shyqqan burymdy balýanymyz Merýert Sársenova fınaldyq kezdesýde taıpeılik Lın Hsýan Hsýǵa jol berip, Azııa Chempıonatynyń kúmis medaline ıe boldy.
1 altyn, 1 kúmis jáne 5 qola medalmen Qazaqstan kadetter qurama komandasy 14 el ishinde 3-orynǵa jaıǵasty. Medal sany boıynsha 3 altyn, 1 kúmis, 3 qola medalmen Ózbekstan quramasy kósh bastap tursa, Mońǵolııa dzıýdoshylary 1 altyn, 3 kúmis, 2 qola medalmen ekinshi orynda tur.
Kadetter arasynda Azııa chempıonatynyń jeńimpazdary men júldegerleri (birinshi kún):
Altyn - Sherhod Davlıatov (50 kg)
Kúmis - Merýert Sársenova (52 kg)
Qola - Erlan Ýnalov (50 kg)
Qola - Ermek Amangeldi (55 kg)
Qola - Islam Toqtasyn (66 kg)
Qola - Sara Qulym (40 kg)
Qola - Aqjol Qaıyphan (48 kg)
Esterińizge sala ketsek, Qyrǵyzstan astanasy Bishkek qalasynda 13-14 shilde kúnderi 2000-2002 jyly týǵan kadetter arasynda, 15-16 shilde kúnderi 1997-2000 jyly týǵan jastar arasynda Azııa chempıonaty ótedi. Qazaqstan kadetter quramasynan qurlyqtyq birinshilikke 19 dzıýdoshy, jastar quramasynan 20 dzıýdoshy tatamıge shyǵady.
