Dzıýdodan Qazaqstan chempıonatynda Almaty oblysy komandasy top jardy
ALMATY. 29 qarasha. QazAqparat /Erbol Turymbetov/ - Atyraýda dzıýdo kúresinen Qazaqstan Respýblıkasynyń chempıonaty márege jetti. 4 altyn, 2 kúmis jáne 4 qola júlde ıelengen Almaty oblysy birinshi oryndy jeńip aldy. Bul týraly «Alaman» Ulttyq elektrondy basylymy habarlady.
Ekinshi orynǵa 2 altyn, 3 kúmis, 4 qola medalmen Qaraǵandy oblysynyń komandasy turaqtasa, úshtikti 2 altyn, 2 kúmis, 4 qola júldemen Qyzylorda oblysynyń komandasy tuıyqtady.
Odan keıingi tórtinshi orynǵa 2 altyn, 1 kúmis, 4 qola medalmen Atyraý oblysy taban tiredi.
Jalpy qorytyndy boıynsha erler arasynda Eldos Smetov (60kg, Jambyl obl.), Naýryzbek Maılashev (66 kg, Atyraý obl.), Eldar Zarıpqanov (73 kg, Shyǵys Qazaqstan obl.), Rınat Ibragımov (81 kg, Atyraý obl), Tımýr Bolat (90 kg, Astana q.), Vıktor Demıanenko (100 kg, Almaty obl.), Erbolat ıÝsýpov (+100 kg, Qyzylorda obl.) áıelder arasynda Kenje Qashqynova (48 kg., Qaraǵandy q.), Lenarııa Mıngazova (52 kg., Jambyl obl.), Alına Ten (57 kg., Almaty obl.), Zarına Áldeshova (63 kg., Ońt.Qaz.obl.) el chempıony ataǵyna ıe boldy.
Federatsııa basshylarynyń aıtýynsha, London Olımpıadasyna deıin el chempıonatynan bólek birqatar irikteý oıyndary uıymdastyrylmaqshy. Alaıda, osy joly el chempıony atanǵan sportshylardyń London Olımpıadasynda baryp qalýy da múmkin.
