Dzıýdodan Qazaqstan chempıonatynda aýyr salmaqtaǵy úzdikter anyqtaldy
ORAL. KAZINFORM – «Jaıyq arena» sport kesheninde eresekter arasynda dzıýdodan ótken Qazaqstan chempıonatynda bes salmaq dárejesinde jeńimpaz-júldegerler belgili boldy.
Erler arasynda 90 kelige deıingi salmaqta fınalda qaraǵandylyq Aqjol Dúısenbaevty qapy qaldyrǵan aqtóbelik Nurjan Bısenov chempıon atandy.
Túrkistandyq Dıdar Hamza men batysqazaqstandyq Danıl Krylov qola júldege ıe boldy.
Qaraǵandylyq Asqar Birjanov 100 kelige deıingi salmaqta úzdik shyqty.
Shymkenttik Ersultan Muzapparov kúmis, atyraýlyq Ádilet Saparǵalıev pen Almaty oblysynyń ókili Jalǵas Serikov qola júldeni qanaǵat tutty.
Asa aýyr salmaqta (+100 kg) sońǵy básekede qostanaılyq Ardaq Serikovten aılasyn asyrǵan qaraǵandylyq Sanjar Jabborovtyń baǵy jandy.
Almatylyq Ilıas Qalıdolda men mańǵystaýlyq Jantilek Nurtilepov úzdik úshtikten kórindi.
Áıelder arasynda 78 kelige deıingi salmaqta Almaty oblysynan kelgen Ekaterına Tokareva qarsylas shaq keltirmedi.
Qyzylordalyq Shynar Abatova ekinshi, túrkistandyq Saltanat Ahmetova men abaılyq Nazerke Tileýhanova úshinshi orynǵa kóterildi.
Soltústikqazaqstandyq Nazgúl Maratova +78 kg salmaqta fınalda batysqazaqstandyq Karına Takıevany jeńdi.
Jetisýlyq Kámıla Berliqash pen almatylyq Aqerke Ramazanova qola medalmen marapattaldy.
Dzıýdodan Qazaqstan chempıonaty seısenbi kúni komandalyq jaryspen túıindeledi.
Eske sala keteıik, budan buryn Aıbek Imashevtiń dzıýdodan el namysyn eń myqtylar qorǵaıtynyn málimdegenin jazǵan edik.
Sondaı-aq dzıýdodan Qazaqstan birinshiliginde jasóspirimder arasynda álem chempıony fınalǵa deıin jetti.
Dzıýdoshy Abylaıhan Jubanazar alǵash ret Grand Slam týrnıriniń jeńimpazy atandy.
