Dzıýdodan Qazaqstan chempıonaty: Maǵjan Shamshadındi jeńgen Nurádil Áljan chempıon atandy

AQTÓBE. KAZINFORM — Aqtóbe qalasynda dzıýdodan eresekter arasynda ótip jatqan Qazaqstan chempıonaty alǵashqy jarys kúniniń qorytyndylary belgili boldy.

Qyzý ótken doda barysynda kútpegen nátıjeler de bolmaı qalǵan joq.

Erler arasynda 60 kelige deıingi salmaqta áskerıler arasynda álem chempıony Nurqanat Serikbaev Talǵat Orynbasardan utylyp, júldesiz qaldy. Al fınalda qostanaılyq Nurádil Áljan taǵy bir favorıt, 2023 jyly Astanada ótken Grand Slam týrnıriniń jeńimpazy Maǵjan Shamshadındi qylǵyndyrý ádisimen jeńip ketti.

Sondaı-aq, 66 kelige deıin salmaqta bıyl Zagrebte ótken Gran-prı dodasynda úzdik shyqqan Janarys Rahmetqalı jarys jolynan erte shyǵyp qaldy.

Qazaqstan dzıýdo federatsııasynyń baspasóz qyzmetinen málim etkenindeı, óz salmaq dárejeleri boıynsha myna sportshylar júldegerler qatarynan kórindi. 

Áıelder

-48 kg:

1. Dıana Býrkeeva (Jetisý oblysy), 
2. Sabına ıÝldashbekova (Shymkent),
3.Zarına Hýsnadın (Almaty),
3. Arýjan Danaıbek (Jambyl oblysy).

Foto: Qazaqstan dzıýdo federatsııasy

-52 kg 

1. Tolǵanaı Ábeýova (Aqmola oblysy),
2. Arýjan Erejepova (Almaty oblysy),
3. Qundyz Jylqybaı (Qyzylorda oblysy),
3. Shara Shýgaeva (Almaty).

Erler

-60 kg:

1. Nurádil Áljan (Qostanaı oblysy),
2. Maǵjan Shamshadın (Qyzylorda oblysy),
3. Nurgeldi Qanat (Mańǵystaý oblysy),
3. Aldııar Qarǵulov (Qaraǵandy oblysy).

-66 kg:

1. Erjan Erenqaıypov (Astana),
2. Erdaýlet Bozja (Qyzylorda oblysy),
3. Baýyrjan Narbaev (Mańǵystaý oblysy),
3. Mıras Jonysov (Aqtóbe oblysy).

Aqtóbedegi Qazaqstan chempıonaty senbi jáne jeksenbi kúnderi jalǵasady.

Foto: Qazaqstan dzıýdo federatsııasy

Eske sala keteıik, budan buryn Meırambek Qartbaı bastaǵan balýandardyń el kýbogynda jeńimpaz atanǵanyn jazǵan edik.