Dzıýdodan Qazaqstan chempıonaty: komandalyq jarysta Atyraý oblysy úzdik shyqty
ORAL. KAZINFORM – Oral qalasyndaǵy «Jaıyq Arena» sport kesheninde 4 kúnge sozylǵan dzıýdodan jasóspirimder arasynda Qazaqstan chempıonaty máresine jetti.
Birinshiliktiń sheshýshi týrynda aralas-komandalyq jarysta jeńimpaz-júldegerler anyqtaldy.
Atalǵan básekede Almaty qalasynyń quramasyn jeńgen Atyraý oblysynyń jasóspirimderi chempıon boldy. Almatylyqtar kúmisti qanaǵat tutty. Qola júldege Astana qalasy men Qaraǵandy oblysynyń komandasy ıe boldy.
Qazaqstan dzıýdo federatsııasynyń baspasóz qyzmetinen málim etkenindeı, jekeleı jarys nátıjesi boıynsha jalpykomandalyq esepte Shymkent qalasy (3 altyn, 2 kúmis, 5 qola) kósh bastady. Almaty qalasynyń (3 altyn 1 kúmis, 1 qola) sportshylary ekinshi orynnan kórinse, Qaraǵandy oblysynyń (3 altyn, 3 qola) quramasy sportshylary úzdik úshtikti túıindedi.
El birinshiligine Astana, Almaty, Shymkent qalalary men 17 oblystan 2008-2009 jyly týǵan 836 jasóspirim dzıýdoshy qatysyp, baq synady.
Eske sala keteıik, budan buryn dzıýdodan Qazaqstan chempıonatynda jekeleı saıystar aıaqtalǵanyn jazǵan bolatynbyz.