Dzıýdodan Grand Slam: Úsh dzıýdoshymyz týrnırdi jeńispen bastady

ASTANA. KAZINFORM – Búgin Parıjde dzıýdodan Grand Slam týrnıri bastaldy. Bul týraly Olympic.kz habarlady. 

Frantsııa astanasynda ótip jatqan sporttyq dodada 60 jáne 66 kelide jeńimpazdar anyqtalady. 

Týrnırdi alǵash bop bastaǵan úsh qazaqstandyq balýan kelesi aınalymǵa joldama aldy.

Eldos Smetov mysyrlyq sportshydan basym tússe, 66 kelidegi Ǵusman Qyrǵyzbaev kongolyq balýannan aılasyn asyrdy. Al Eset Qýanov venesýelalyq qarsylasyn  jeńdi.