Dzıýdodan Grand Slam týrnıri: Islam Bozbaev jarysty sátti bastady
NUR-SULTAN. QazAqparat - Tel-Avıvte dzıýdodan Grand Slam dodasynyń sońǵy jarys kúni ótip jatyr, dep habarlaıdy QazAqparat Olympic.kz saıtyna silteme jasap.
Erler 90, 100 jáne 100 keliden joǵary salmaqta, áıelder 78 kelige deıin jáne 78 keliden joǵary salmaq dárejelerinde ózara myqtyny anyqtaýda. 90 keli salmaqtaǵy Islam Bozbaev alǵashqy qarsylasy shvetsııalyq Markýs Nıamandy jeńip, kelesi aınalymǵa ótti. Onyń kelesi qarsylasy reseılik Mansýr Lorsanov bolmaq. Jarystyń úshinshi kúninde 100 kelige deıingi salmaqta tatamıge shyqqan qazaqstandyq Aıbek Serikbaev alǵashqy aınalymda qarsylasyna ese jiberdi. 100 keliden joǵary salmaqta synǵa túsken Krasyl Qajybaev tájikstandyq Tımýr Rahımovtan, Ádil Orazbaev túrkııalyq Jemal Erdogannan utylyp qaldy.
