Dzıýdodan el chempıonaty: Alǵashqy jarys kúniniń úzdikteri kimder

ORAL. KAZINFORM — Oraldaǵy «Jaıyq Arena» sport kesheninde dzıýdodan jasóspirimder arasynda ótip jatqan Qazaqstan chempıonatynda alǵashqy jarys kúniniń nátıjeleri belgili boldy.

Jeksenbi kúni bes salmaq dárejesinde jeńimpaz-júldegerler anyqtaldy.

Óz salmaq dárejeleri boıynsha myna sportshylar júldege ilikti.

Qyzdar:
-40 kg
1.Ýlıana Prıahına (Qaraǵandy oblysy),
2. Adııa Janahmet (Shymkent),
3. Nazym Talǵat (Jambyl oblysy),
3. Talshyn Maǵanat (Qyzylorda oblysy).

-44 kg
1. Іnjý Sahabaddın (Qyzylorda oblysy),
2. Aınara Seıitjanova (Abaı oblysy),
3. Sevıch Abdýkadyrova (Shymkent),
3. Shahsanam Rahımjanova (Jetisý oblysy).

-48 kg
1.Ásel Rýslanova (Atyraý oblysy),
2. Aıajan Rınatqyzy (Abaı oblysy),
3. Sandýǵash Moldaǵalı (Qyzylorda oblysy),
3. Aıhanym Nurlanqyzy (Túrkistan oblysy).

Uldar:
-50 kg
1. Ábish Perdaly (Shymkent),
2. Mereı Dáýletqan (Almaty oblysy),
3. Arman Nysa (Almaty oblysy),
3. Jalǵas Ómirjan (Atyraý oblysy).

-55 kg
1. Nurjan Turarbek (Almaty),
2. Beknur Amangeldi (Shymkent),
3. Ákejan Ábdimanap (Jetisý oblysy),
3. Bekdáýlet Bekıshov (Shymkent).

— Men osyǵan deıin eki ret Qazaqstan chempıonatyna qatysyp, utylyp qalǵan edim. Endi, mine, birinshi oryn aldym. Bapkerimmen birge kún saıyn daıyndalyp, osyndaı nátıjege jettim dep oılaımyn. Aldaǵy maqsatym — álem chempıonatynda top jarý, — dedi Nurjan Turarbek.

Jasóspirimder arasynda el birinshiligine Beıjiń Olımpıadasynyń kúmis júldegeri Ashat Jitkeev bastaǵan tóreshiler qazylyq etýde. Al Parıj Paralımpıadasynyń chempıony Aqmaral Naýatbek — sharanyń qurmetti qonaǵy.

Barlyǵy 836 dzıýdoshy qatysyp jatqan jarys 29 qańtarda máresine jetedi.

Eske sala keteıik, budan buryn Oralda dzıýdodan jasóspirimder arasynda Qazaqstan chempıonaty bastalǵanyn jazǵan bolatynbyz.