Dzıýdodan el chempıonatynda tórt salmaqta jeńimpaz-júldegerler belgili boldy
NUR-SULTAN. QazAqparat – Dzıýdodan áıelder men erler arasynda Aqtaýda ótip jatqan el chempıonatynda tórt salmaqta jeńimpaz-júldegerler belgili boldy, dep habarlaıdy QazAqparat.
QR dzıýdo federatsııasy málim etkendeı, jarystyń úshinshi kúni áıelder arasynda 63 kg salmaqta almatylyq Iolanta Berdibekova top jardy.
Ol fınalda shyǵysqazaqstandyq Krıstına Sotnıkovany utty. Taǵy bir almatylyq Saera Myrzahmetova men shyǵysqazaqstandyq Zarına Sarıpova qola júldeni qanaǵat tutty.
70 kg salmaqta shyǵysqazaqstandyq Zere Bektasqyzynyń mereıi ústem boldy. Túrkistandyq Perızat Jaqypbekova ekinshi, Almaty oblysynyń ókili Janar Qashqyn men almatylyq Daıana Talǵat úshinshi orynǵa kóterildi.
Erler arasynda 81 kg salmaqta fınalda qyzylordalyq Abylaıhan Jumanazardy súrindirgen elordalyq Mádı Amangeldi jeńimpaz atandy. Mańǵystaýlyq Rýslan Musaev pen túrkistandyq Erehan Nurıdın qola medaldi enshiledi.
Talaı dodada olja salǵan túrkistandyq Dıdar Hamza 90 kg salmaqta úzdik shyqty. Shymkenttik Ersultan Muzapparov ekinshi, qostanaılyq Aslan Saǵıtbek pen aqtóbelik Ádilet Mısın úshinshi orynǵa ilikti.
Eske sala keteıik, budan buryn batysqazaqstandyq dzıýdoshynyń el chempıonatynda kúmis júldeger atanǵanyn jazǵan bolatynbyz.
Myqtylar daralanyp jatqan Qazaqstan chempıonaty 21 jeltoqsanda aıaqtalyp, bul kúni erler arasynda 100, +100, áıelderden 78, +78 kg salmaqta jeńimpazdar anyqtalady.
