Dzıýdodan el birinshiliginde aralas komandalyq saıysta jeńimpaz anyqtaldy
ASTANA. KAZINFORM - Semeı qalasynda dzıýdodan erler men áıelder arasynda bıylǵy Qazaqstan chempıonatynda aralas komandalyq saıystyń nátıjesi belgili boldy. Jarystyń atalǵan satysynda Abaı oblysy jeńimpaz atandy. Ekinshi orynǵa Astana qalasy balýandary ıe bolsa, úzdik úshtikti byltyrǵy el chempıony Qyzylorda jáne Jetisý oblystary túıindedi.
Aıta ketsek, 10-13 qarasha kúnderi Semeıde dzıýdodan erler men áıelder arasynda Qazaqstan chempıonaty ótti. Jarysqa Astana, Almaty, Shymkent qalalary men elimizdiń 17 oblysynan barlyǵy 600-den astam tatamı sheberi qatysty.
El birinshiligi qorytyndysymen aldaǵy maýsymǵa ulttyq qurama jasaqtaldy. Tórt kúnge josparlanǵan jarysta erler men áıelder 14 salmaq dárejesinde ózara myqtyny anyqtady.
El birinshiliginde álemdik Grand Slam jarysynyń júldegeri, jastar arasynda álem chempıonatynyń birneshe dúrkin júldegeri Talǵat Orynbasar, álem chempıonatynyń (jastar) kúmis júldegeri Dana Ábdirova baq synady.
Sondaı-aq, olardyń qatarynda Olımpıada oıyndarynyń qatysýshylary Danııar Shamshaev pen Dıdar Hamza, álemdik Gran-prı, Grand Slam jarystarynyń júldegerleri Erasyl Qajybaev, Ǵalymjan Qyryqbaı, Qazaqstan chempıonatynyń jeńimpaz-júldegerleri Áljan Nurádil, Barys Qýan, Darhan Qoıbaǵar, Ádil Orazbaev, Elaman Erǵalıev bar.
Eske salsaq, budan buryn Erbol Myrzabosynov dzıýdodan júlde enshiligen jeńimpazdardy marapattady.