Dzıýdodan Azııa kýbogy: Qazaqstandyq kadetter 24 medal jeńip aldy
NUR-SULTAN. QazAqparat - Makaoda dzıýdodan jasóspirimder arasynda ótip jatqan Azııa kýbogynda Qazaqstan quramasy tabysty óner kórsetýde, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, jarystyń alǵashqy kúni qazaqstandyqtar 24 medal (7 altyn, 11 kúmis, 6 qola) jeńip aldy.
Atap aıtqanda, Nurqanat Serikbaev (55 kg), Yqylas Álseıit (60 kg), Ádil Márlen (66 kg), Qazbek Raqıshev (81 kg), Qundyz Jylqybaı (44 kg), Arýjan Erejepova (52 kg), Mádına Paragýlgova (70 kg) altynnan alqa taqty.
Sondaı-aq Ermahan Amandyq (50 kg), Qaıyrjan Júnisbek (60 kg), Tynarbaı Tilegen (73 kg), Aıdar Arapov (81 kg), Mýhammedalı Mavlıdov (90 kg), Jurqamyrza Shúkirbekov (+90 kg), Aıajan Ázim (40 kg), Dáýlet Shapaǵat (57 kg), Shynar Ózbekova (63 kg), Daıana Talǵat (70 kg), Karına Takıeva (+70 kg) kúmis júldege ıe boldy.
Al Nursultan Zaızaǵalıev (60 kg), Taıman Nurǵalıev (66 kg), Nurasyl Bolat (90 kg), Sábıt Qaıratbek (90 kg), Balnur Ábdeshova (48 kg), Aıaýlym Qýanysheva (52 kg) úshinshi orynǵa kóterildi.
Eki kúnge sozylatyn baıraqty básekege Qazaqstannan barlyǵy 35 sportshy barǵan bolatyn.
