Dzıýdodan Azııa kýbogynda Qazaqstan quramasy 4 medal aldy

ASTANA. KAZINFORM — Qytaıdyń Hanchjoý qalasynda dzıýdodan erler men áıelder arasynda Azııa kýbogy máresine jetti.

Qazaqstandyq dzıýdoshylar qurlyqtyq básekeden 1 altyn, 2 kúmis jáne 1 qola júlde aldy. Nátıjesinde jalpykomandalyq esepte 3-shi orynmen aıaqtady. 

El quramasynan Ermek Amangeldi (73 keli) chempıon atansa, Tabyldy Bıgembaev (66 keli) pen Álisher Slıamjanov (90 keli) kúmis, Ulyqbek Ábilqaıyr (66 keli) qola aldy.

Aıta keterligi, jarysqa Azııa elinen 13 qurama qatysty.

Eske salsaq, búgingi kúnderi Indonezııa astanasy Djakarta qalasynda 10-14 qyrkúıek aralyǵynda dzıýdodan jastar arasyndaǵy Azııa chempıonaty ótip jatyr.

Qurlyqtyq dodaǵa elimizdiń atynan uldarda Esengeldi Darmen (60 keli), Jeńisuly Qaırat (60 keli), Bolat Álı (66 keli), Erjanov Erasyl (66 keli), Keneskan Ernar (73 keli), Salhan Saparǵalı (81 keli), Rakov Egor (90 keli), Nurtaza Erasyl (100 keli), Sultan Beıbarys (100 keliden joǵary) synǵa túsedi.

Al qyzdarda Quralbaı Іńkár (48 keli), Shuǵaeva Sara (52 keli), Shyńǵyshan Gúlhan (52 keli), Karakenova Karına (57 keli), Asylhanova Damelıa (63 keli), Bitimbaı Shynar (70 keli), Ahmetova Saltanat (78 keli), Baqytbek Kórkem (78 keliden joǵary). Erǵalı Tomırıs (78 keli) syndy balýandarǵa senim artamyz.