Dzıýdodan Azııa kýbogin qazaqstandyqtar sátti bastady

ASTANA. QazAqparat - Dzıýdodan Qazaqstan quramasy Kýveıtte ótip jatqan Azııa kýboginde 2 «altyn» aldy, dep habarlaıdy QazAqparat tilshisi.

Kýveıtte dzıýdodan erler men áıelder arasynda Azııa kýbogi ótip jatyr. Jarystyń alǵashqy kúninde Qazaqstan quramasy 2 altyn, 2 kúmis jáne 3 qola medal jeńip aldy.

El quramasynan Erjan Erenǵaıypov (60 keli) jáne Aıbolat Ystybaı (66 keli) jeńis tuǵyryna kóterildi.

Al Qanat Seıilhan (60 keli) jáne Nuraılym Sársenbek (52 keli) kúmis alsa, Moldash Kemelbek (66 keli), Bolat Bilál (66 keli) jáne Islam Toqtasyn (73 keli) úzdik úshtikti túıindedi.

Aıta ketsek, atalǵan jarysqa Azııanyń 27 elinen 150-den astam tatamı sheberi keldi.

Jarys 29 sáýirde máresine jetedi.

Eske salsaq, budan buryn paradzıýdoshy Erǵalı Shameı Azııa chempıony boldy.