Dzıýdodan Azııa chempıonatynda Qazaqstan quramasy úzdik úshtikti túıindedi
NUR-SULTAN. QazAqparat - Taıbeıde dzıýdodan jastar arasynda Azııa chempıonaty márege jetti, dep habarlaıdy QazAqparat tilshisi.
Qazaqstan dzıýdo federatsııasy málim etkendeı, qurlyq birinshiligine 21 elden 170 dzıýdoshy qatysyp, baq synady. Chempıonat qorytyndysynda Qazaqstan quramasy 1 altyn, 3 kúmis, 9 qola medalmen (barlyǵy 13) úzdik úshtikti túıindedi.
Japonııa 10 (6 altyn, 1 kúmis, 3 qola) medalmen kósh bastasa, Ońtústik Koreıa 10 (3 altyn, 1 kúmis, 6 qola) júldemen ekinshi orynǵa kóterildi.
El quramasynan Móldir Narynova (70 kg) chempıon atansa, Ǵalııa Tynbaeva (48 kg), Aqjol Qaıyphan (52 kg), Merýert Sársenova (57 kg) kúmis júldege ıe boldy.
Sondaı-aq Aqmaral Naýatbek (48 kg), Saera Myrzahmetova (63 kg), Margarıta Grıtsenko (78 kg), Damır Bolatbekov (60 kg), Ermek Amangeldi (66 kg ), Aıbar Muqashev (73 kg ), Nurbek Ortaı (81 kg), Bekarys Sádýaqas (-100 kg), Bıbarys Ábdiǵanı (+100 kg) úshinshi orynǵa ilikti.
Eske sala keteıik, budan buryn qazaqstandyq jastardyń qurlyq birinshiligi alǵashqy kúni 3 kúmis, 4 qola alǵan, al Móldir Narynova Azııa chempıony atanǵan bolatyn.
