Dzıýdodan Azııa chempıonaty: Qazaqstandyq balýandar júldeli oryndardan kórindi
NUR-SULTAN. QazAqparat - Búgin Qyrǵyzstan astanasy Bishkek qalasynda dzıýdodan Azııa chempıonaty bastaldy, dep habarlaıdy QazAqparat tilshisi.
Balýandar bes salmaqta synǵa tústi. Onyń 2-ýi erler arasynda bolsa, 3-ýi qyzdar arasynda ótti.
Qazaqstandyq balýandar arasynan 60 kelide tatamı tórine shyqqan Eldos Smetov shırek fınalda qyrǵyzstandyq Kýbanychbek Aıbekulyna ese jiberdi. Sol salmaqta qazaqstandyq Ǵusman Qyrǵyzbaev birinshi aınalymda avstralııalyq Djoshýa Kettske jol berdi.
Al 66 kelide taǵy bir qazaqstandyq balýan Eldos Jumaqanov qorjynǵa qola júlde saldy. Ol jubanysh fınalynda qyrǵyzstandyq Artýr Teni jeńip ketti.
Qyzdar arasynda 52 kelide beldesken Nursulý Eralıeva men Ǵalııa Tynbaeva jarystyń alǵashqy aınalymda qarsylastaryna ese jiberdi.
Qazaqstandyq Abıba Ábýjaqynova 48 kelide Azııa chempıonatynyń kúmis júldesine ıe boldy. Ol fınalda qytaılyq Lı ıAnanǵa ese jiberdi. Al Sevara Nıshanbaeva 57 kelide qola júldege qol sozdy.
Bıylǵy Azııa chempıonatyna 30 elden barlyǵy 215 dzıýdoshy qatysady. Qazaqstan quramasynan 17 tatamı sheberi el namysyn qorǵaıtyn bolady.
Endi Azııa chempıonatynda 73 kelide Jansaı Smaǵulov, 81 kelide Dıdar Hamza men Rýslan Musaev, 90 kelige deıingi salmaqta Islam Bozbaev beldesse, 100 kelide Aıbek Serikbaev, asa aýyr salmaq dárejesinde Erasyl Qajybaev kúresedi. Qyzdar arasynda 63 kelide Iolanta Berdibekova, 70 kelide Zere Bektasqyzy, 78 kelide Kamıla Berliqash tatamı tórinde taıtalasqa túsedi.
Azııa chempıonaty 9 sáýirde máresine jetedi.
