Dzıýdodan Azııa chempıonaty: Qazaqstan jalpy esepte 4-orynǵa turaqtady
NUR-SULTAN. QazAqparat - Elordada dzıýdodan Azııa birinshiligi aıaqtaldy. Qazaqstan quramasynyń enshisinde 8 medal bar, dep habarlaıdy QazAqparat tilshisi.
Qurlyqtyq dodada Qazaqstan sportshylary 1 altyn, 2 kúmis, 5 qola medal aldy. Nátıjesinde olar jalpy komandalyq esepte 4-orynǵa jaıǵasty.
Ulttyq qurama sapynda Danııar Shamshaev (73 keli) altyn aldy. Al Islam Bozbaev (100 keli) pen Abıba Abýjaqynova (48 keli) kúmis medal ıegeri atandy. Sondaı-aq Nurlyhan Sharhan (100 keli), Dıdar Hamza (90 keli), Arýna Jangeldına (78 keli), Maǵjan Shámshadın men Ǵusman Qyrǵyzbaev (66 keli) qola medal aldy.
Jalpykomandalyq esepte Japonııa 12 (9-3-0) medalmen birinshi orynǵa jaıǵasty. Odan keıingi oryndarǵa ornalasqan Mońǵolııada 7 (2-0-5) medal, Ózbekstanda 9 (1-2-6) medal bar.
Aıta ketcek, qurlyqtyq doda qorytyndysy boıynsha barlyǵy 10 elden balýandar júldege qol jetkizdi. Olardyń qataryna atalǵan quramalardan ózge Ońtústik Koreıa, Qytaı, Tájikstan, Taıvan, Qyrǵyzstan, Birikken Arab Ámirligi sportshylary endi.
Atalǵan dodada Azııanyń 19 elinen kelgen 200-den astam balýan 14 salmaqta baq synady. Olardyń qatarynda elimizdiń atynan 18 balýan synǵa tústi.
