Dzıýdodan Azııa chempıonaty: Qazaqstan quramasy qos altyn alýdy josparlap otyr
NUR-SULTAN. QazAqparat – 27-28 shilde kúnderi Taıpeıde dzıýdodan jasóspirimder arasynda Azııa chempıonaty ótedi, dep habarlaıdy QazAqparat tilshisi.
Qazaqstan dzıýdo federatsııasy jyldyń eń mańyzdy dodalarynyń birine el quramasynyń tyńǵylyqty daıyndyqpen bara jatqanyn málim etti.
Qazaqstan jasóspirimder qurama komandasynyń aǵa jattyqtyrýshysy Ǵaınolla Esenǵalıevtiń aıtýynsha, Azııa chempıonaty – aldaǵy álem birinshiligine irikteý jarystarynyń biri.
«Azııa birinshiliginde Japonııa, Ońtústik Koreıa, Mońǵolııa elderiniń sportshylary basty qarsylastarymyz bolmaq. Bizdiń dzıýdoshylarymyz da osal emes. Sondyqtan Taıpeıde eki altyn medal alýdy kózdep otyrmyz», dedi Ǵ.Esenǵalıev.
Qurlyqtyq dodaǵa 19 elden 200-ge jýyq sportshy qatysady. Qazaqstan namysyn 19 tatamı sheberi qorǵaıdy.
Qyzdar:
Álıma Jumaǵalıeva (40 kg)
Dıana Býrkeeva (44 kg)
Arýjan Erejepova (48 kg)
Balnur Ábdeshova (48 kg)
Aıaýlym Qýanyshova (52 kg)
Shapaǵat Dáýlet (57 kg)
Alena Chýssovıtına (63 kg)
Daıana Talǵat (70 kg)
Mádına Paragýlgova (+70 kg)
Karına Takıeva (+70 kg)
Bozbalalar:
Nurqanat Serikbaev (50 kg)
Aslan Les (55 kg)
Marlen Ádil (60 kg)
Tilegen Tynarbaı (66 kg)
Serikbol Estaı (73 kg)
Muhammedalı Mavlıdov (81 kg)
Aıdar Arapov (81 kg)
Nurasyl Bolat (90 kg)
Jurqamyrza Shúkirbekov (+90 kg)
Eske sala keteıik, budan buryn Galbadrah bastaǵan dzıýdoshylardyń Zagrebtegi Gran-prı týrnırine qatysatynyn jazǵan bolatynbyz.
